BKT Sports 2024

Real BKT 8-2 Tech Eagles
Pas një fillimi të ngadaltë, me pjesën e parë që përfundoi 0-0, Real BKT vendosi të mos shkojë në shtëpi duarbosh.
Brenda disa minutash, me tre gola të shpejtë, ata shkatërruan ëndrrat e Tech Eagles për të kapur vendin e dytë.
Klodian Lika nuk e la këtë mundësi t’i shpëtojë, duke shënuar plot 4 gola dhe duke bërë që Real BKT të marrë frymë lirshëm pas dy humbjeve radhazi.
Tech Eagles, me mungesa të rëndësishme dhe të hutuar nga golat e shpejtë, nuk arritën të mbajnë ritmin pjesën e dytë.
Kjo humbje e rëndë e bën përballjen e javës së ardhshme ndaj Red Devils jetike, ku përtej të lojës në fushë, do të vendoset ndoshta dhe fati i të gjithë sezonit.

Vetetima 1-1 Tech Vault
Në një përballje më të qetë, Vetetima dhe Tech Vault ndanë nga një pikë me një barazim 1-1.
Vetetima ishte favorite këtë ndeshje në letër, por duket se energjia e rrufeve nuk po zbret dot më në fushë.
Tech Vault, ndërkohë, mbajti një qetësi të pazakontë, duke mos rrezikuar shumë dhe duke pranuar një pikë të merituar.
Me këtë rezultat, Vetetima vazhdon të mbetet në luftë për mbijetesë, ndërsa Tech Vault mban distancën nga fundi dhe shikon lart, por pa shumë shpresë.