BKT Sports 2024

Wolves 6-4 Galacticos
Në një tjetër përballje dramatike, Wolves fituan 6-4 ndaj Galacticos, dhe meritën për këtë i takon vetëm një njeriu: Fjodor Bana.
Me 3 gola të tij, ai duket se ka marrë përsipër të jetë heroi absolut i ujqve, të cilët pa të kanë përjetuar humbje për t'u harruar.
Galacticos, megjithëse tentuan, nuk mundën t’i rezistonin kësaj hije të errët që qëndron në çdo ndeshje të Wolves kur është Bana në fushë.
Rezultati konfirmon se Wolves me një Bana të shëndetshëm janë ekip për t’u pasur frikë, ndërsa Galacticos do të duhet të rimarrin veten pas një tjetër humbjeje zhgënjyese që i lë në mes të tabelës.


Red Devils 3-2 Benjamins
Në një duel që nuk zhgënjeu pritshmëritë, Red Devils triumfuan ndaj Benjamins me rezultatin 3-2.
Ishte sërish Koni, deri tani blerja më e spikatur e verës, ai që u bë shpëtimtari i djajve, duke shënuar dy gola që vulosën fitoren.
Benjamins, të njohur për shpirtin e tyre luftarak e me një Hysenaj në formë të shkëlqyer, i cili realizoi, por siç ndodh shpesh fati nuk ishte në anën e tyre.
Red Devils hipotekon kështu kreun për fazën e parë e duket se kanë krijuar një sistem perfekt: Peposhi udhëheq mbrojtjen ndërsa sulmi mbetet në këmbët e Konit.
Ekipi i Benjamins mbetet një mister, herë të papërmbajtshëm e herë të pafat.
Por një gjë është e sigurt, lufta për vendet e larta të tabelës do të jetë e fortë.