BKT Sports 2024

Dje, dy ndeshje që pritej të ishin betejë e ekuilibruar u kthyen në një spektakël ku dy ekipe provuan se yjet e tyre bëjnë gjithë diferencën.
Ajo që u pa qartë ishte sa vulnerabël janë disa skuadra pa figurat e tyre kryesore, me disa të tjerë që mbështeten në një superyje të vetëm për të shpëtuar nderin.

Tech Vault 6-8 Wolves
Fjodor Bana, njeriu që bën të gjithë diferencën te Wolves, ishte absolutisht i pandalshëm, duke shënuar 6 gola dhe treguar se kur ai është në fushë, Wolves kthehen në një makineri goli.
Mungon Bana? Ashtu si çdo herë tjetër, rezultati shkon përtej 10 golave disavantazh.
Por ja që këtë herë ai ishte aty, duke bërë çmos për të mbajtur Tech Vault larg fitores, të cilët po përpiqeshin të ndalnin një uragan.
Jordi Marku shënon 3 gola dhe ndoshta mendonte se mund të ishte ai heroi i ndeshjes, por me një mbrojtje që humbi orientimin, mund të themi se në fund nuk kishte më shpresë.

Vetëtima 2-5 Tech Eagles
Pas fitores së bujshme të javës së kaluar Vetëtima sheh një dritë zhgënjimi ndërsa Tech Eagles përjetuan një rikthim magjik.
Faleminderit Egli Malaj! I rikthyer nga dëmtimi si portieri i vetëm që mund të shpëtojë këtë ekip nga golat, Malaj ndali pothujse gjithë Vetëtimat drejt portës.
Me të në formacion, duket sikur Shqiponjat më në fund kanë gjetur një grimcë shprese për repartin e vetëm që kishin mungesë.
Sikur nuk mjaftonte kjo, Ndone dhe Hazisllari rikthehen me 2 gola secili dhe pjesa tjetër e ekipit tregon stabilitetin dhe motivimin e munguar prej kohësh duke mos i'u dorëzuar ndërrimit të "Kushteve".
Edhe pse Vetëtima vendosi të nxjerrë një “as” nga mënga për ndeshjen e shumëpritur e duke e futur në portë, Eagles i treguan se këtë ndeshje nuk mund t'a shpëtonte i vetëm.